ಸೇಲಂ : 'ಚಂದ್ರಯಾನ-1'ರ ಯಶಸ್ಸಿನಿಂದಾಗಿ ಸ್ಪೂರ್ತಿಪಡೆದಿರುವ ಇಸ್ರೋ ಚಂದ್ರಯಾನ-2ಕ್ಕಾಗಿ ಉಪಗ್ರಹ ಉಡಾವಣೆಗೆ ಮಂದಾಗಿದೆ.
2017ರ ವೇಳೆಗೆ ಮಿಷನ್ ಚಂದ್ರಯಾನ-2ಕ್ಕೆ ಜಿ.ಎಸ್.ಎಲ್.ವಿ ಉಪಗ್ರಹ ಉಡಾವಣೆ ಮಾಡಲಾಗುವುದು ಎಂದು ಚಂದ್ರಯಾನ-1, ಚಂದ್ರಯಾನ-2 ಯೋಜನೆಯ ನಿರ್ದೇಶಕ ಎಂ ಅಣ್ಣಾದೊರೈ ತಿಳಿಸಿದ್ದಾರೆ.
ಚಂದ್ರನಲ್ಲಿಗೆ ದೇಶದ ಉಡಾವಣೆ ಮಾಡಿದ ಮೊದಲ ಉಪಗ್ರಹ ಚಂದ್ರಯಾನ-1, ಶ್ರೀಹರಿಕೋಟಾದಲ್ಲಿ 2008ರ ಅಕ್ಟೋಬರ್ 22 ರಂದು ಯಶಸ್ವಿಯಾಗಿ ಉಡಾವಣೆಗೊಂಡಿತ್ತು. ಚಂದ್ರಯಾನ-1ರಲ್ಲಿ ಯಶಸ್ಸು ಸಾಧಿಸಿರುವ ಇಸ್ರೋ 2017ಕ್ಕೆ ಚಂದ್ರಯಾನ-2 ಯೋಜನೆ ಪೂರ್ಣಗೊಳಿಸಲು ಸಿದ್ಧತೆ ನಡೆಸಿದೆ.
ತಮಿಳು ನಾಡಿನ ಸೇಲಂ ನ ಶಾಲೆಯೊಂದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಸಂದರ್ಭದಲ್ಲಿ ವಿಜ್ನಾನಿ ಎಂ.ಅಣ್ಣಾದೊರೈ ಅವರನ್ನು ವಿದ್ಯಾರ್ಥಿಗಳು ಚಂದ್ರಯಾನ-2ರ ಬಗ್ಗೆ ಪ್ರಶ್ನಿಸಿದರು. ವಿದ್ಯಾರ್ಥಿಗಳ ಪ್ರಶ್ನೆಗೆ ಉತ್ತರಿಸಿರುವ ಅಣ್ಣದೊರೈ 2017ರವೇಳೆಗೆ ಮಿಷನ್ ಚಂದ್ರಯಾನ-2 ಉಡಾವಣೆಯಾಗಲಿದೆ ಎಂದು ತಿಳಿಸಿದ್ದಾರೆ.