ನವದೆಹಲಿ : ವಿಶ್ವದಲ್ಲೇ ಅತೀ ಕಡಿಮೆ ಬೆಲೆಯ ಸ್ಮಾರ್ಟ್ಫೋನನ್ನು ದೇಶೀಯ ಹೆಡ್ ಸೆಟ್ ತಯಾರಿಕಾ ಕಂಪೆನಿ ರಿಂಗಿಂಗ್ ಬೆಲ್ಸ್ ಬುಧವಾರ ಸಂಜೆ ಬಿಡುಗಡೆ ಮಾಡುತ್ತಿದೆ.
ಫ್ರೀಡಂ 251 ಹೆಸರಿನ ಈ ಸ್ಮಾರ್ಟ್ಫೋನನ್ನು 500 ರೂ. ಗೂ ಕಡಿಮೆ ಬೆಲೆಗೆ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗುತ್ತದೆ ಎಂದು ರಿಂಗಿಂಗ್ ಬೆಲ್ಸ್ ಹೇಳಿತ್ತು. ಆದರೆ ಈಗ ಕೇವಲ 251 ರೂಪಾಯಿಗೆ ಫೋನನ್ನು ನಿಮ್ಮದಾಗಿಸಿಕೊಳ್ಳಬಹುದಾಗಿದೆ.
ರಕ್ಷಣಾ ಸಚಿವ ಮನೋಹರ್ ಪಾರೀಕರ್ ಅವರು 'ಫ್ರೀಡಂ 251' ಸ್ಮಾರ್ಟ್ಫೋನ್ ಅನ್ನು ಬಿಡುಗಡೆ ಮಾಡಲಿದ್ದಾರೆ. ಸರ್ಕಾರದ ಸಹಾಯದೊಂದಿಗೆ ತಯಾರಾದ ಈ ಸ್ಮಾರ್ಟ್ಫೋನ್ ಪ್ರಧಾನಿ ನರೇಂದ್ರ ಮೋದಿ ಅವರ್ ಮೇಕ್ ಇನ್ ಇಂಡಿಯಾ ಯೋಜನೆಯ ಭಾಗವಾಗಿದೆ ಎಂದು ಕಂಪನಿ ತಿಳಿಸಿದೆ.
freedom251.com ಆನ್ಲೈನ್ ಮೂಲಕ ಫೆಬ್ರವರಿ 18 ರ ಬೆಳಗ್ಗೆ 6 ಗಂಟೆಯಿಂದ ಫೆಬ್ರವರಿ 21 ರ 8 ಗಂಟೆ ರಾತ್ರಿಯ ವರೆಗೆ 251 ರೂಪಾಯಿಗಳಲ್ಲಿ ಖರೀದಿ ಮಾಡಬಹುದಾಗಿದ್ದು,ಜೂನ್ 30 ರ ಒಳಗೆ ಫೋನ್ ಅನ್ನು ತಲುಪಿಸಲಾಗುವುದೆಂದು ಕಂಪನಿ ಹೇಳಿದೆ.
5.1 ಆಂಡ್ರಾಯಿಡ್ ಆಪರೇಟಿಂಗ್ ಸಿಸ್ಟಮ್ ಹೊಂದಿದ್ದು,4.00 ಇಂಚು ಡಿಸ್ಪ್ಲೇ, ಫ್ರೊಂಟ್ ಕ್ಯಾಮರಾ 0.3 ಮೆಗಾ ಫಿಕ್ಸೆಲ್ ,3.2 ಮೆಗಾ ಫಿಕ್ಸೆಲ್ ರೇರ್ ಕ್ಯಾಮರಾ,1 ಜಿಬಿ ರಾಮ್ ,8 ಜಿಬಿ ಸ್ಟೋರೆಜ್ ಕ್ಯಾಪೆಸಿಟಿ ಹೊಂದಿದ್ದು 32 ಜಿಬಿಗೆ ವಿಸ್ತರಿಸಬಹುದಾಗಿದೆ.