ವಾಷಿಂಗ್ಟನ್ : ಪರಮಾಣು ಪೂರೈಕೆದಾರ ಸಮೂಹದ ನೀತಿ-ನಿಯಮಗಳನ್ನು ಸಂಪೂರ್ಣವಾಗಿ ಉಲ್ಲಂಘನೆ ಮಾಡಿರುವ ಚೀನಾ ಪಾಕಿಸ್ಥಾನಕ್ಕೆ ಪರಮಾಣು ರಿಯಾಕ್ಟರ್ಗಳನ್ನು ಮಾರಾಟ ಮಾಡುತ್ತಿದೆ ಎಂದು ಅಮೆರಿಕ ತಿಳಿಸಿದೆ.
ಇತ್ತೀಚಿಗಿನ ವರ್ಷಗಳಲ್ಲಿ ಚೀನಾ ಅಂತಾರಾಷ್ಟ್ರೀಯ ನೀತಿ-ನಿಯಮಗಳನ್ನು ಸ್ವಷ್ಟ ಉಲ್ಲಂಘನೆಮಾಡಿ ತನ್ನ ರಫ್ತು ನಿಯಂತ್ರಣಗಳನ್ನು ಗಮನಾರ್ಹವಾಗಿ ಬಲಪಡಿಸಿಕೊಂಡಿದೆ. ಎನ್ಎಸ್ಜಿ ನಿಯಮ ಉಲ್ಲಂಘಿಸಿ ಪಾಕ್ ಗೆ ಪರಮಾಣು ರಿಯಾಕ್ಟರ್ಗಳನ್ನು ಮಾರಾಟ ಮಾಡುವುದರ ಜತೆಗೆ ಗಂಭೀರ ಆತಂಕಗಳಿಗೆ ಕಾರಣವಾಗಿರುವ ಕೆಲವು ದೇಶಗಳಿಗೆ ಕ್ಷಿಪಣಿ ತಂತ್ರಜ್ಞಾನವನ್ನು ಕೂಡ ಅದು ಮಾರುತ್ತಿದೆ.
ಚೀನಾದ ಇಂತಹ ಚಟುವಟಿಕೆಗಳಿಂದಾಗಿ ಎನ್ಎಸ್ಜಿ ದೃಷ್ಟಿಯಲ್ಲಿ ಚೀನದ ಮಟ್ಟ ಕುಸಿಯುತ್ತಿದೆ ಎಂದು ವಾಷಿಂಗ್ಟನ್ನಲ್ಲಿನ ಶಸ್ತ್ರಾಸ್ತ್ರ ನಿಯಂತ್ರಣ ಸಂಘವು ತನ್ನ ಹೊಸ ವರದಿಯಲ್ಲಿ ಹೇಳಿದೆ.
ಅಣ್ವಸ್ತ್ರ ಪ್ರಸರಣ ತಡೆ ಮತ್ತು ನಿಶ್ಯಸ್ತ್ರೀಕರಣದ ವಿಚಾರದಲ್ಲಿಲ್ಲಿ ಬೀಜಿಂಗ್ನ ನಡವಳಿಕೆಯು ಗಂಭೀರವಾಗಿ ಪ್ರಶ್ನಾರ್ಹವಾಗಿದೆ. ಈ ನಿಟ್ಟಿನಲ್ಲಿ ವಾಷಿಂಗ್ಟನ್ ನ ಶಸ್ತ್ರಾಸ್ತ್ರ ನಿಯಂತ್ರಣ ಸಂಘ-ಎಸಿಎ-ಚೀನಾಕ್ಕೆ ಅತ್ಯಂತ ಕಳಪೆಯ ಎಫ್ ಗ್ರೇಡ್ ನೀಡಿರುವುದಾಗಿ ವರದಿ ತಿಳಿಸಿದೆ.
ಚೀನಾ ಪರಮಾಣು ಪೂರೈಕೆದಾರರ ಸಮೂಹದ ಓರ್ವ ಸದಸ್ಯ ರಾಷ್ಟ್ರವಾಗಿದ್ದು, ಇತ್ತೀಚೆಗೆ ಭಾರತ ಈ ಸಮೂಹದ ಹೊಸ ಸದಸ್ಯನಾಗುವುದಕ್ಕೆ ಚೀನಾ ಹಾಗೂ ಕೆಲದೇಶಗಳು ತೀವ್ರ ಆಕ್ಷೇಪಗಳನ್ನು ವ್ಯಕ್ತಪಡಿಸಿದ್ದವು.