ಸೂರತ್ : ಇಂದು ಪ್ರಧಾನಿ ನರೇಂದ್ರ ಮೋದಿ ಅವರ 66ನೇ ಹುಟ್ಟುಹಬ್ಬ. ಈ ಸಂಭ್ರಮವನ್ನು ದೇಶಾದ್ಯಂತ ವಿಶೇಷ ರೀತಿಯಲ್ಲಿ ಆಚರಿಸಲಾಗುತ್ತಿದ್ದು, ಈ ದಿನವನ್ನು ಇನ್ನಷ್ಟು ವಿಶಿಷ್ಟಗೊಳಿಸಲು ಗುಜರಾತ್ ನ ಸೂರತ್ ನಲ್ಲಿ 3,750 ಕೆ ಜಿ ತೂಕದ ಅತಿ ದೊಡ್ಡ ಕೇಕ್ ತಯಾರಿಸಲಾಗಿದೆ.
ಈ ಕೇಕ್ ವಿಶ್ವ ದಾಖಲೆಗಳ ಗಿನ್ನೆಸ್ ಬುಕ್ ನಲ್ಲಿ ವಿಶ್ವದ ಅತೀ ಎತ್ತರದ ಪಿರಮಿಡ್ ಮಾದರಿಯ ಕೇಕ್ ಎಂಬ ಹೆಗ್ಗಳಿಕೆಯೊಂದಿಗೆ ಸ್ಥಾನ ಪಡೆದಿದೆ. ಸೂರತ್ ನಗರದ ಅತುಲ್ ಬೇಕರಿಯಲ್ಲಿ ಈ ಕೇಕ್ ನಿರ್ಮಾಣ ಮಾಡಲಾಗಿದೆ.
ಅತುಲ್ ಬೇಕರಿಯ ಅಧ್ಯಕ್ಷ ಅತುಲ್ ವೇಕರಿಯಾ ಅವರು "ಈ ಕೇಕ್ 3,750 ಕಿಲೋ ತೂಕ ಹೊಂದಿದೆ. ನಾವಿಂದು ವಿಶ್ವ ದಾಖಲೆಯನ್ನು ಮುರಿದಿದ್ದೇವೆ. ಇದು ಶುದ್ಧ ಸಸ್ಯಾಹಾರಿ ಕೇಕ್ ಆಗಿದೆ. ನಾನು, ನನ್ನ ಮಕ್ಕಳು, ವಿಕಲಾಂಗ ಮಕ್ಕಳು ಎಲ್ಲರೂ ಈ ಕೇಕ್ನ ಸವಿಯನ್ನು ಸವಿಯಲಿದ್ದಾರೆ' ಎಂದು ಹೇಳಿದ್ದಾರೆ.
24 ಗಂಟೆಗಳಲ್ಲಿ 30 ಬಾಣಸಿಗರನ್ನೊಳಗೊಂಡ ತಂಡ ಈ ಕೇಕ್ ತಯಾರಿಸಿದ್ದು, ಇದು 7 ಅಡಿ ಎತ್ತರವಿದೆ.